Главная » 2015 » Сентябрь » 10 » Кытайга Хэйлунцзян провинциятыгар сытар Муданьцзян куоракка Универсальный педагог проект чэрчитинэн международнай стажировка
15:20
Кытайга Хэйлунцзян провинциятыгар сытар Муданьцзян куоракка Универсальный педагог проект чэрчитинэн международнай стажировка

                     

Бэс ыйын 11-21  куннэригэр Мэҥэ – Хаҥалас улууһун үөрэх салалтатыттан делегация  Кытайга Хэйлунцзян провинциятыгар сытар Муданьцзян куоракка Универсальный педагог проект чэрчитинэн международнай стажировкаҕа баран кэллибит. Делегацияҕа улуус детсадтарыттан 8 иитээччи уонна салайааччынан,  уөрэх салалтатын кадры кытта үлэҕэ отдел начальнига Габышева Л.С. буолан сырыттыбыт. Муданьцзян куорат 5 улахан детсадтарын, Пекиннэ 2 детсады көрдүбүт. Манна кыра саастаах оҕолорго иитэр-уөрэтэр үлэлэрин кытта сиһилии билистибит, оҕолору кытта дьарыктары көрдүбүт. Кытайга оскуола иннинээҕи саастаах оҕолорго үөрэх тэрилтэлэрэ государственнай, ведомственнай уонна чааһынай буолаллар эбит. Төрөппүт бэйэтин кыаҕыттан көрөн оҕотугар детсадын талар. Сүрдээх улахан болҕомтону оҕо доруобуйатын харыстааһыҥҥа, элбэх хайысханан оҕону сайыннарыыга уураллар эбит. Ол иһин иитэччилэр ырыаны-үнкүүнү бэйэлэрэ толору баһылаан, оҕолорго үөрэтэр кыахтаналлар эбит. Хас биирдии детсад күн аайы сарсыардата былаах таһаарыытынан уонна эти – хааны эрчимирдэр хамсаныылары оҥоруунан саҕаланар.Дьэ ол кэнниттэн күнү быһа оҕолор араас дьарыктарга сылдьаллар: театр, үҥкүү, ырыа, уруһуй, спорт, кулинария, флористика, скрипка уо.д.а.

 Педагогтар, төрөппүттэр кыһамньылаах үлэлэрин көмөтүнэн оҕолор искусствоҕа, наукаҕа сыстаҕас, социальнай эйгэҕэ бэлэм, эт-хаан өттунэн доруобай буолан тахсалларын ситиһэллэр.

Онон биһиги иитээччилэр бэйэбит иитэр үлэбитигэр элбэх сонун арыйыылары, киэҥ билиини ылан кэлбиппит диэн киһи саарбахтаабакка этиэн сөп.

Иитээччи Ощепкова А.И.

Просмотров: 154 | Добавил: sabatti | Рейтинг: 0.0/0
Всего комментариев: 0
avatar